नेपाली कांग्रेसको बुधबारको बन्दसत्र अपराह्न ४ बजे शुरु हुने भएको छ। बन्दसत्रले सभापति, उपसभापति, महामन्त्री र कोषाध्यक्षका चार प्रतिवेदन पास गर्ने छ।
नयाँ नेतृत्व चयनका लागिबिहीबार बिहान ७ बजेदेखि मतदान शुरु गर्ने तयारी छ। यो महाधिवेशनले सभापति १, वरिष्ठ एकसहित चार उपसभापति, महामन्त्री ३, सहमहामन्त्री १५, कोषाध्यक्ष १ गरी २४ जना पदाधिकारी चयन हुँदैछन्।
सहमहामन्त्रीमा चार जना र कोषाध्यक्ष एक जना सभापतिले मनोनयन गर्ने व्यवस्था छ।निर्वाचित हुने पदाधिकारी संख्या १९ जनाको हुनेछ। निर्वाचन समितिले सार्वजनिक गरेको सूची अनुसार १९ जना पदाधिकारीका लागि ७९ जनाको उम्मेदवारी परेको छ।
